The Mindanao Escapade - Manila to CDO

Nitong lumipas na linggo, muli nanamang nagsama-sama ang PhilMIS team para software deployment at training sa Bukidnon at Misamis Oriental. Bandang 2AM ng September ay lumayas na ako bahay upang umabot sa flight to Cagayan de Oro at 5:10 AM. Smooth ang travel sa from Novaliches to Blumentritt dahil walang traffic. Wala pa rin ang mga tindero at tindera na sumasakay sa mga dyip dala ang kanilang mga panindang isda. Ayos, di na ako pinagpapawisan at di rin amoy malansa.

Pagdating sa Blumentritt, dumaan muna ako ng 7-11 upang bumili ng mineral water at makakain. Saktong paglabas ko ay bumuhos ang malakas na ulan. Dala na rin ng sense of urgency, tinakbo ang kahabaan ng blumentritt at swerte naman na may naka-abang nang taxi. Habang nasa taxi, marami din kaming napag-kwentuhan ni Manong taxi driver (hehe, di ko naitanong ang pangalan). Nandiyan ang matinding baha sa Manila, pulitika, ekonomiya, airport security, mga holdup experiences, pagpatay kay Ninoy, etc. 1974 pa palang driver si manong kaya dami ko rin natutunan. Umabot ng P142.50 ang bill pero worthy naman.

Kapansin pansin sa airport na medyo naghigpit sila ng security kumpara sa mga nakaraan kong pag-alis. Naipuslit ko naman lahat ng kontrabandos ko loob ng NAIA. No incident pissed me off except for the guard who asked me a question in visayan language. :> Maaga ako ng isang oras as flight ko kaya nag-computer muna ako. Sinubukan ko ang bagong bili kong Wifi card pero di ko rin nagamit dahil walang driver. Maikli lang ang isang oras. Maya maya lang ay may nagsalita na ng .... Attention to passengers of flight PR 181 bound forCagayan de Oro. Gate S6 is now open. CDO, here I come!

.... to be continued ....

Ang Palengke Customer Service

Late na ako gumising ngayon. Sunday naman ng umaga. Ang sarap magpuyat kagabi sa kalalaro ng Smackdown Vs Raw 2006 sa PS 2. Pag mulat ko ng mata, may naaalala ako. Oo nga pala, kailangan ko mamili sa palengke ng aming makakain sa mga susunod na araw. Kasama na rin dito ang promise sa kapatid ko na i-treat ko siya sa McDo dahil birthday niya last week. Alas 10 ng umaga, binitbit ko ang bunsong kapatid sa palengke na walang kaalam alam ng gagawin kong tagabuhat ng pinamili.

Pag dating sa maputik na Sauyo Market, naghanap kami ng mga isda. Pag tapat sa isang stall, ang mura ng dalagang bukid at ma-PR pa ang tindero. Inikot pa namin ang palengke sa pag-asang makahanap ng mga "best buys" na paninda. Lahat naman ng mga tindero at tindera na naka-transakyon namin ay mababait. Kahit first time na pamimili pa lang sa kanila, "suki" na ang tawag sa amin. Gayunpaman may isang nilalang na nagpaasim ng isang napakagandang Linggo ng umaga.

Nang matapos makabili, kami ay dumiretso sa nagtitinda ng diyaryo upang maghanap ng World News particularly in Asia na assignment ng kapatid ko. Siyempre, di na namin binulatlat ang pahina ng Sagad, Ang Playboy, Barako at mga mahalay na tabloid dahil ibang kamunduhan ang makikita namin. Tuming kami sa People's Tonight, wala rin. Binasag ko na ang pagiging kuripot ko ng mga sandaling iyon. Sige, bibili na kami ng broadsheet.

Nang aming sinisilip ang Philippine Star, may isang babaeng dumating at nagsabing "P18 ang Star." Sinabi ko na sandali lang dahil may hinahanap kaming balita. Walang Asian World News, puro sa US at Lebanon. Binalik ko naman nang maayos at nagpaalam sa babae na di na kami kukuha ng Philippine Star dahil wala ang hinahanap namin at titingin kami sa Inquirer. Bullshit, dun nagsimulang umasta ang babae ng di nararapat. Sinabi ba naman, "sige basahin niyo na lahat, pag wala sa Inquirer, tingnan nyo sa Manila Bulletin. Buti wala ang amo ko dito dahil bawal iyang ginagawa niyo." Sa isip ko, wala naman kaming ginagawang mali. Maayos ang pag-kakabalik ko ng Star at hindi ko pa nga na-browse ang Inquirer.

Sinabi ko, "customer naman ho kami, bibilhin ko ito kapag nakita ko na hinahanap namin". Eh sumagot pa ang tindera, "aba kahit na blah, blah, blah.....". May karugtong pa pero di ko na pinatapos. Binitiwan ko ang Inquirer at hinatak ko ang kapatid paalis. NAgpanting na ang tenga ko, hell might be unleased kung di kami umalis. Sa isip, bakit ako bibili sa bastos na tindera. Ayaw kong gamitin niyang pambili na makakain ang perang pinaghirapan ko. Di bale, marami namang nagtitinda ng diyaryo.

Sa loob ng dyip, di ko maiwasang sumpain ang tindera kagaya ng "ga*o siya, sana masunog ang paninda niya. Punyeta, kung iyong mga tambay nga na nakikibasa lang ng diyaryo ay di niya sinisita, bakit kami pa na lehitimong customer na bibili ng kanyang paninda ay binastos niya.". Pagdating sa kanto ng subdivision, medyo nahimasmasn na ako. Nakabili naman kami ng Inquirer sa totoong suki namin. Nag-offer pa nga ng bold na magazine pero sabi ko next time na lang. Iyon ang customer service!